DAY 2 之路線: 岡本和服(主店)-清水寺-地主神社(姻緣)-二年坂三年坂-安井金比羅宮-酒店-大津:雄琴溫泉站湯元館-懷石料理+私人風呂
DAY 1 好早就出發到京都車站,因為要坐車去岡本和服(主店),其實京都車站都幾大的,好易迷路
(無影到個站既相,只好POST一張JR 網上圖片).....呢個地方可以買一張京都巴士PASS (JPY 500 ,大人,小朋友(6-12歲) 250 JPY,2015年價格),綠色一張長方形,而日本的巴士下車先比錢,到時SHOW比巴士司機睇就可以。背面有日期的,大家要比司機睇呀
買左就全日的巴士任坐,而我們要去的岡本本店,要坐207號巴士,我們要在五条坂站下車,再過馬路同上斜路先到達(對唔住...太迫我影唔到街景比大家睇呀)
聽講著和服大家都有好多迷思
我解答唔到咁多,但係我相信張圖可以解答到少少(GOOGLE搵架咋)
我只可以講,睇住呢張圖,學左之後我就幫WENDY去東京時著浴衣。(其實我學野都幾快XD,除非係其他人從來都唔肯教我,唔係的話我要上手只係需要一次)。
第一站係:清水寺
大家可能會問,點解紅葉得你呢一張。因為得呢度最紅
今年的紅葉和我的心一樣,有點灰。相片都係真實圖片,天氣亦都不似預期,葉都唔係太紅(已經11月中尾)
令人有點失望。
跟住就行左去地主神社,首先要洗一洗對手
呢度可以祈求良緣的。
等我求一張先...........會唔會係大吉呢?聽講好靈驗。
我抽到大吉,而WINGWING係吉,我們上網查過,我支簽都真係幾好,會有一段會結婚既良緣
而WINGWING個張當時她說要保持神秘呢...唔知點解既呢?
跟住就去左行日本傳說中要行下既姻緣石,呢度有一條路,二邊都有石頭,要首先諗住一個你鐘意既人(又或者一片空白),跟住摸一下石頭,合埋對眼,由朋友向你前面帶住你行同埋提示你,盡量唔好撞到人(因為撞到陌生人代表會指感情有波折。)直到去對面的石頭再摸一下就完成
好認真咁許個願先:(我男神係我行完呢條路之後出現。更係唔講你知啦~咁膚淺)講起感情,最近睇左"我係乜乜乜"講起香港女生選擇男生既條件。好多人都認為係,有錢,有樓,靚仔。其實有時候,人格比起好多外在既條件重要既。如果真係要我選一個PACKAGE
1.他一定要係個尊敬長輩的男生(個人認為孝順既男生心地一定唔差)
2.他一定要有一份自己好有熱誠的工作,而且認真做。(專心的男生通常都比較專一)
3.有和我相似的興趣:影相,戶外活動,曬太陽,去任何地方旅行,唔可以食煙。
4.我鐘意肥仔,唔好太瘦。(我之前全部ex都唔係好瘦XD我超鐘意高既肥仔...變態)
5.最好有點大男人會管下我要我聽他話。
呢個"PACKAGE"最岩我......至於有無錢,有無樓,有無車,有無家底等等。其實一個人有這些外在條件都終有一日會有所改變,但唯獨性格,變極都唔會變太多.....做人最重要搵到一個適合既Package,性格合拍,非常之重要。
講完"PACKAGE"呢件事,就等我認真許個願先(認真許)
其實我拍左條片的,不過太KAI了,我無諗住擺係度,仲有中間我撞到一個大嬸。希望2016年我張大吉簽會成真啦^^(行呢條路既時候已經有"MAP"WING YEE 幫忙,呢個MAP KING ,已經好叻)
周圍都有好多呢個燈籠同埋人。同埋真係好多人都買左御守。
天氣有點凍,不過都照買左雪糕食,好好食呀!!!!!
去左行一會二年坂三年坂行,跟據眾人男神FERIO 表示,呢度唔可以跌親,因為一跌就會衰三年,跟住相都唔敢影,因為我跌親既機會應該比其他人高好多。但唔知點解,好多外國人走埋黎要同我同WINGWING影相。(又當我們係佈景版),又同我地講日文又用英文問路...................我一講英文,一定知道我唔係日本人係港女,(仲要教到咁DETAILS............)玩完,影完,其實發現著和服都幾痛苦,行既景點又行唔哂,腳又痛,仲要咩住自己支重鏡同埋A7II,呢一刻都真係好想有個人幫我咩住部相機(腰痛)。
之後去左安井羅比宮,傳說呢度可以切斷惡緣的。
我叫D日本妹示範比大家睇(我仲著緊和服...好辛苦呀><)
還返和服之後都放棄左千鳥居,直到大津湯元館,因為有得食我期待左好耐既迎江牛餐。你睇下我地二個個樣.............真係無哂岩岩既束縛,好舒暢。
一有得食,我們都立即食物mode on左......
要講下個名先,呢間係位於大津區既湯元館。
官網:http://www.yumotokan.co.jp/world/taiwan/
住傳統既日式房(和式八疊,即係訓日本的tatami,上面有勁舒服既棉被。
因為我們要求食飯係餐廳食,所以呢度既食飯擺設無咩用
而家到左介紹一下食懷石料理既時間
首先係前菜-左面:海帶同埋魚肉卷,右面豆腐(口感像麻糬,比較煙韌。加左日本豉油,凍食中間有粒wasibi (無食到)
前菜仲有一款:山藥卷,口感係粉粉地,加左一個甜甜地的日本醬汁,無左山藥既甘味
清蒸類,有南瓜,蕃薯。無咩特別...哈哈哈
時令魚刺身,只知道紅色係鱆紅魚,白色二種,非常之新鮮鮮甜,白色個一款有油香而且肉質屬於有口感和彈牙,紅色就肉質偏淋一點(平日唔食魚的我都愛上了日本的刺身),
所有食材都整理到好靚。
CLOSE UP影一張
近江牛燒肉
近江牛,據說有400年歷史,屬於和牛的一種(另外有神戶牛,松阪牛,同埋大家最近好鐘意講既飛驒牛,信州牛)。近江牛,油脂甘甜,而且肉質入口即化(聽到都已經想再食),今次有二種食法,就係燒肉同埋火鍋配野菜。個人比較喜歡炭火燒,有油香味而且好濃牛肉味,好好食呀....
另外叫左一支梅酒飲,唔太喜歡,太濃酒精味,只飲到一杯。
懷石料理中仲有一個日文:豬年輪,一直都唔知道呢個菜色係點,直到上台,原來係豬肉配薯蓉再蒸,味道係甜的(應該係因為日本醬油汁)同埋薯蓉口感好滑,當然比我們二個完全食哂。
時令水果同埋JELLY 甜品....全部都好FRESH同埋好好食,原本以為個JELLY無色,會太甜,唔好食,點知原來用左水果汁去整,呢件事好驚喜。
跟住就去左浸私人風呂,好舒服呀。雖然最後無得上去露天溫泉(因為變左做男湯),但可以浸到私人風呂,好舒服好鐘意。而TATYAMI都好厚(厚過張床)同埋成晚都訓得好舒適,無過熱過凍。DAY 3等我再整埋早餐既相比大家睇
