華欣HEA 爆之旅-DAY 2-走到華欣了!

一早起身,當然係唔會錯過去PULLMAN既特大泳池同埋自助餐。因為睇BLOG好多人都有推介。我地9點幾就起左身去食早餐了,其實有好多選擇,就算連包既種類,方包都有好多款,又有WAFFLE 牛角包等等,咖啡都有好多唔同款,中式又有各樣即蒸既點心同埋粥炒麪飯,亦都有即整既粉麪,沙律吧都有成台的新鮮菜類,同埋各種果汁,不過我就無影哂了,比幾張我地影左既相大家睇。食食下仲有WAITER 送出左一人一個既即製新鮮出爐牛角包,非常之香脆。個OMELETTE仲有好多芝士同埋蕃茄,好好食。

食完我地就決定有一個小時係曬太陽同埋游早水(當然我有好努力咁游左10-12個來回)

    此圖來自酒店網頁。

梳洗完換好衫食完野,就整理行李出發去華欣了。今次我地無BOOK車,只係決定係酒店出返去BTS VICTORY MONUMENT (N3)EXIT 2出口個一面的CENTURY THE MOVIE PLAZA坐MINI BUS。因為我地得2個人,對於去華欣中途的景點完全無興趣,加上如果我地唔去景點都要THB 2500 (二個人),又無人一起去(我個人認為如果四個人包架車去華欣係OK,不過如果只得二個人就有一點點貴,不過事實係比較舒服),去到MINI VAN 站,買票再上車就立即出發了,又因為我地有行李,所以為我地二個大行李買多左一張票(即係THB 180X3=540THB )就出發了。車程好長,好眼訓同埋好迫。(對唔住各位,因為個日太多車唔太方便影唔到車站的相,不過一出BTS就到有好多賣票COUNTER)。但如果唔想迫黎迫去的話我個人都會建議去機場坐華欣的巴士,3-4個小時會到達,相對無咁迫同埋比較坐得舒服。不過要就返巴士既出發時間同埋要係網上面買定。(WEBSITE:http://www.airporthuahinbus.com/)價格都係THB 300左右,大家可以去條LINK入返相關的資料。坐左幾個鐘,終於都到左LET"S SEA HOTEL,當然立即CHECK IN同埋睇下個運河式SWIMMING POOL。白色的樓層(我地住下層可以一開門就游水)仲有個小露台

當然立即來個下水禮

無咩人係個泳池度,非常之好。

玩完泳池,又到左食飯的時候,去左食海鮮CHAY

我地平日去,個位置係望海食,無咩人,好快有位,當然大家如果星期六日去,多人最多訂定位。

叫左生蝦,粉絲煲,炸蝦餅,焗元貝,避風塘琵琶蝦(小),甜酸尤魚,炒菜同埋個椰青SHAKE加一支啤酒。全部食清光(我地無叫飯類,所以只係食海鮮全部清得完)

我上次係鬼嫁個BLOG DL左呢一張卡片,如果大家需要都可以比司機/酒店睇叫佢地幫你地手

夜市係可以由食海鮮個度行十分鐘左右行到去,不過都幾熱

完左之後去左行NIGHT MARKET,買下衫褲,同埋買甜品返酒店食(仲有宵夜)個度有好多小攤可以買下手信,有間食BANANA PANCAKE,我地二晚都叫左,超好食。仲有個手作夜市仔可以整皮的製品有自己個名。都幾岩年輕人行。不過太熱了我無點影相

海外提款的迷思-銀聯篇

華欣個post唔出住,我最近加入左幾個旅行GROUP,我發現大家都對銀聯同埋信用卡收費唔太清楚,香港人更對於信用卡同ATM 卡係海外既用途好混亂。希望我今次打一篇海外提款卡的迷思會幫助到大家去旅行時有多一個辨法去兌外幣又或者係用哂全部錢既時候有咩方法可以幫到自己。但呢個POST只係比大家作為參考,如果有咩優惠或者銀行卡收費又或者兌換價,請向返自己用的MAIN BANK做返個諮詢。


有關於銀聯的兌換價:
http://www.unionpayintl.com/MainServlet?go=BIZTOOL_MERCHANT_PG_exchangeRateTrad

其實呢個網係可以睇到任何的貨幣兌換的只要大家跟住幾個指示入返,每日都可以CHECK到個價,而銀聯亦都會有以下指示

"銀聯系統匯率週一至週五每日更新，週六週日延用週五匯率。部分歐系貨幣匯率生效時間為北京時間16:30，其他匯率生效時間為北京時間11:00。持卡人如需更詳細地了解交易匯率，請諮詢發卡機構。"

(呢句野我係今日係銀聯個網度QUOTE出來的)
即係講比大家知道,如果大家星期六日去旅行,就會用返星期五個EXCHANGE RATE。我相信呢度已經可以解釋到好多人對於銀聯個兌換價既迷思。至於你問我抵唔抵換,值唔值得咁去換呢,我就用返我最近呢一次去旅行做例子

我係5月17日出發去曼谷的,即係星期日,SUPERICH 當日既價係APP度顯示係1兌4.26
而我上左呢個銀聯既網頁,去CHECK係1兌4.28
(點解既?點解係會平過SUPERICH 既 ?)
第一,因為銀聯既價其實係用緊一個叫做TT RATE (即係電匯價,戶口既錢兌外幣),會對比起NOTE RATE(簡單黎講就係用紙幣現鈔去兌外幣)平一點的。

以我地個日用一天洗費兌2000HKD 為例子

SUPER RICH :HKD 2000X 4.26=8520 THB

如果用ATM (有銀聯LOGO 提款) HKD 2000 X4.28=8560THB
不過因為其實你係海外用呢個服務會收你HKD 15-20(睇用邊間銀行而定)
所以其實你係用左HKD 2015 換8560 THB,所以EXCHANGE RATE=4.25

(以上的兌換例子只能作為一個參考的準則,相關銀行的收費詳情請大家向自己銀行查詢返,
另外有網友非常之針著的泰國ATM 機有額外收費的問題,部分泰國ATM 有機會收費,大家如果見到SCREEN有收費就要諗清楚再決定提唔提,不過以我所知,如果一次過一筆過第一次海外提係有些ATM機會豁免左收費的,如有不足,大家都當係個參考多多包涵啦)


咁如果你問我,如果爭0.01值唔值得去SUPERICH 去排呢...我咁懶,又唔想坐的士BTS專登過去(都要的士錢架,又熱),我就寧願好舒服咁係ATM度提款再直接坐的士去酒店了...而且又減省左好多搵黎搵去既時間同唔洗我浪費腳力..................




而我都好推介大家有時去睇下呢個網頁,咪當去唔同地方旅行前做一個急救既準備。入面都有好多關於銀聯的好處架

http://www.unionpayintl.com/hk/travel/faq.html

呢度有講下信用卡同埋ATM卡有咩分別,入密碼定係唔入密特碼等等既官方答案。作為一個打BLOG既人,我當然唔會就咁POST條LINK出來HEA你地就算啦。呢個只係有一些時常有人問既銀聯問題。而作為一個銀行人,我以前做分行對住數十萬客人問問題,有好多時候都發現香港人都比BANKER 教到非常之聽話,例如大家手上面既VISA MASTER 銀聯卡,如果同時你又有戶口,通常你地都會聽左幫你地開戶口個個人講,為左環保/記一個密碼好過記幾個/反正都開出糧戶口就不如整埋信用卡之類的理由,香港人都通常一卡在手,有哂全部信用卡,戶口,EPS ,提款,EBANKING 乜乜乜等等的功能.....又同時因為一卡在手任何功能都有呢個習慣太習慣,忘記左其實信用卡點樣都其實MAIN ACCOUNT 只係信用卡,我都好想係度同大家分享一次。(如果有錯就有怪莫怪,我唔介意你地衝擊我既表達同埋更正,令大家都受益同埋更正)

關於呢個全能的信用卡迷思,其實我相信有好多香港人都中過招(不管你認定係唔認,因為我已經聽過無數個相同的故事)

首先要POST一下關於信用卡同埋ATM 卡係點分先

呢張係一張ATM 卡,香港的其中一間銀行的ATM 卡既面。有咩特徵呢?
1)它們沒有沒有CREDIT CARD/信用卡/雙幣卡這一些字眼
2)卡沒有天壇鐳射印
3)都有銀聯的LOGO

而提款卡如果想用銀聯提款服務要有一個銀聯的LOGO(圖自APPLE DAILY),注意你要睇返你張ATM 卡面既NUMBER係幾多號,而且要將錢轉哂去呢個叫做PRIMARY ACCOUNT度(即係可能係HKD SAVING/CURRENT ACCOUNT)度,先可以用到呢一個海外提款的功能。當你CHECK左有呢個LOGO,你仲要去E-BANKING /ATM 機度去開啟"海外提款功能"設定你使用既日子同埋你可以每日最高提款的額度,完成左呢個手續先至可以用到海外提款的功能。否則你去到海外點禁都只係得個吉(不過大家又唔洗太擔心,因為如果你有EBANKING ,有部分銀行係可以係EBANKING度SET返開呢個海外提款功能,至於你用緊個間係唔係可以係網上SET UP呢個功能,就要自己出發前去EBANKING度CHECK下,唔得既就一定要係香港的ATM 機度SET架!)點解要提大家咁多呢,因為我知道大家對於提款卡同埋信用卡既了解唔夠深入,我已經聽過好多故事係用左信用卡係ATM 機提款,當左係透支收左利息加手續收費(非常之貴,因為你提信用卡會用左信用額,日息計算,另加透支行政收費,海外提款收費等等....我自己個人只會認為真係好緊急先用)

又SHOW下銀聯信用卡係咩樣比大家睇下

下圖為信用卡的例子(香港的其中一間銀行,來源自APPLE DAILY)

它們又有咩特徵呢?

1) 有銀聯LOGO

2)有一個天壇鐳射的標緻

3)有信用卡/CREDIT CARD/雙幣卡的字眼

更多的分別大家都可以睇返呢條LINK去分別

http://www.unionpayintl.com/hk/travel/yo-upcard.html

當然如果你去到日本韓國,當你CRAZY SHOPPING時都可以望下你買野的地方有無銀聯OFFER,因為有時海外簽帳銀聯會有免左海外手續費的,所以都可以袋一張睇下當期有無優惠而決定用唔用啦(至於VISA MASTER AE既優惠...大家就自己留意返啦)

至於關於可唔可以當係EPS SYSTEM咁用呢?呢個問題就好睇你去SHOPPING的地方接唔接受用銀聯方式收款了,如果他們係接受的話,大家真的可以用手上的ATM 卡當好似係香港EPS 咁用,一碌,入ATM 密碼(不過無得選戶口,只可以用PRIMARY ACCOUNT)就過數,的確好像係香港SHOPPING 咁爽,不過就係經銀聯做兌換(個價都係睇返呢篇文開頭EXCHANGE RATE)就唔係經香港EPS 個SYSTEM....(呢個問題都有好多好多人問過)

至於大家想查下,研究下去到邊到可以遇到有銀聯LOGO既ATM 呀,其實呢個UNION PAY既網都有不同國家的地址可以比大家去查的。當然如果你去到一些比較偏門既國家,我都唔建議你只係拿張ATM卡去,第一,我地唔知道個個國家既銀行受唔受香港提款卡(因為有些國家既提款卡係未必用晶片/磁帶,咁到時真係無錢帶去....真係身無分文),但你睇左呢篇野就當真係救命時用先去試...不過當然一些常去既國家就都會用到,呢條LINK都可以CHECK到邊個地方會有ATM機

http://www.unionpayintl.com/cn/serviceCenter/atmQuery

至於大家常常都好關注既兌換價問題....同埋係唔係真係用得到架

其實小妹試過呢個ATM 方法係泰國(曼谷布吉蘇梅等)台灣(台北高雄台中)星加坡,馬來西亞(吉隆坡/沙巴/山打根),韓國,日本(朋友試,東京大阪同九洲)

兌換價我唔敢一百分之一百講比你地聽係最抵,不過只可以講唔差,而台灣比較驚喜既,係兌換價一定會好過兌換店,而且重點係你唔洗再去旅行前將大量的現金放係身,相對地會有一個比較方便同埋安全既做法。而且因為我又比較懶,唔喜歡專登去唔同地方唱為左0.01 價位而在意(因為其實如果要坐車又或者浪費時間去搵,其實已經係唔止0.01...)因為除非你唱既錢以HKD 10萬計...先會有好巨大的差別,否則只係浪費左心力去格價(講黎講去都係我懶)

至於去到海外提款個板面係點呢?

日本(FROM:UNIONPAY WEB)

呢個係韓國既

呢個係泰國既

呢個係台北既(右面)

都係會貼左有你地張卡個銀聯LOGO係度先可以用到呢個功能

(睇完你地咁多既回應同埋疑問,我又繼續厚多士咁打埋我呢篇文章去化解一下大家既迷思)

講到去旅行,小妹既年資就唔算好高,不過講到提ATM機,都有遇到好多客人有好多既問題。而家補充一下提款的流程資訊)

1)首先大家手上一定要有一張有銀聯LOGO 既提款卡
2)大家一定要記得係香港開定"海外提款功能"呢一項(部分銀行可以E-BANKING 設定,部分就只限係香港的ATM 機度先開通)
要設定咩呢?以我自己用既銀行為例 :
提款卡設定->啟動海外提款功能(或者E-BANKING 叫做"海外櫃員機提款服務)->設定啟動日期,終止日期同埋每日提款上限-->確認

(參考之用,因為有可能因為提款機的版面會因為銀行而有異)

3)去之前將你要用既錢轉帳哂去你ATM 卡面個戶口號碼(呢個好重要,因為海外提款功能可能只係係海外提款機顯示到PRIMARY ACCOUNT ,即係你卡面個個)

另外亦都有好多朋友仔會問既信用卡海外收費既問題

個%大約係1.9%-2%...

http://travel.ulifestyle.com.hk/DetailNews.php?id=ADIRaREgA3M

呢條

所以如果大家去日本的話有銀聯於可以用到又會相對地比較優惠(當然你手上有X% 海外簽帳又或者10X 積分PROMOTE我就唔識計啦~大家可以為自己計到盡再去決定係用邊張卡)因為始終都係唔收海外CHARGE,而且我又發現大家常去既旅行都有唔同優惠,都可以參考一下面條LINK。

http://www.unionpayintl.com/travel/cool-index.html

對於上面既呢篇BLOG,大家又會唔會對呢個方法了解左呢?

如果大家有咩想問,其實都可以向自己用開的銀行知道多點

因為以我所知,有一些銀行會為海外提款/簽帳有優惠,大家都可以做多點功課去睇下對自己有無用............以上所有資料我都係因為答左成千上萬次問題之後打比大家參考的,如果有錯就請更正元小妹(但兌換價就不用了,因為我知道真係唔係最抵,如果你地有方法拿到更好,當然都可以開心SHARE,我絕對唔會挑戰邊個最平的,只係一個方法FOR方便好像我呢種懶人用/救急時拿戶口錢用)

(都要同大家講返一聲,銀行的條款同埋收費詳細,都需要向返自己用開既銀行去查返,以決定使用與否。而呢篇文章既主要關心既並非匯率同埋收費問題,而係方便同埋一般的迷思同問題。)

當然我都好希望大家都可以開心SHARE下兌換既心得同埋你地既奇遇。希望會幫到大家啦!!!!!多謝收看

華欣HEA 爆之旅-DAY 1

今次坐泰東,我知道我打出黎你地一定會好驚,又講危險,空難,唔會坐等等等等。
但係我都無得唔選擇,AIR ASIA做緊2XXX HKD,國泰既時間唔係我地想要既,泰航無優惠
HK EXPRESS 既時間係爛既....怪既都係因為我,一早不能夠買機票,最後只好搵朋友幫手買左泰東08:15AM去17:00 PM返。而價錢同上年坐泰航既PROMOTION 18XX 差不多(連TAX) 而家張機票都係1700....所以係去之前既一星期先去買張機票.............

酒店已經係酒店篇度介紹左了

今次我地第一日會先留係曼谷,住的係PULLMAN KINGPOWER .點解會選呢間酒店,因為有TUK TUK直接去到VICTORY MONUMENT bts 站,而旁邊就係去華欣坐既MINI BUS 了

大堂好有空間感

仲有一杯應該係橙汁,我表哥話係蘿蔔橙汁既WELCOME DRINK,而且員工既服務態度係非常之好,加上當日唔係太多人CHECK IN,所以一切都好順利,只住一日收左THB 1000 做DEPOSIT。

入到去房間,間房既空間感都好大,我地呢間係最普通既TWINS BED

我影得唔係幾好.....但其實間房都好大,又有BATH TUB又有SHOWER 位

最重要...PULLMAN 有泳池仲係直池標準...可以不斷游水(圖片來自酒店,我無影)

今次無用ATM 方法拿錢,不過都有個EXCHANGE RATE比大家睇4.28

而林珍香都係做緊同一個兌換價(但當日SUPERRICH無開,我唔知會唔會係差左定係好左)

其實第一個景點就係去左四面佛到還神,好熱,亦都唔知係唔係因為中午時間(12點-1點),因為太熱無人去,所以我地今次好快就可以完成到個TASK。完成左之後我地就用左另一個方法去JJ MARKET,今次都終於食到我地想食既秘密河粉同埋飲到大家一直都話好好飲既ICE TEA(真係好好飲,睇BLOG都有得著),一杯THB 45 ,仲係有個年輕人即場拉出來的。另外都食返第一次去JJ MARKET食到好好食既香葉肉碎飯同埋泰式炒河,三樣加埋都只係THB 200 .....就完成左二個人既午餐(河粉+二樣炒野+二杯奶茶),而街上面都有好多小食。

大家亦都可以選擇由MO CHIT出再行入去,因為通常咁樣比較唔易迷路。去到都已經成3PM,當然要好集中咁行一些想行既地方,我地去左買下夏天既衫(因為太熱我地都一致決定即買第二日即著)同埋整PASSPORT 套,仲買左一些小小既飾物,又因為太熱啦,所以好快就走左。

 傳說中好好食既河粉

完左之後我地坐返BTS出去....去左SIAM 站個一面,今次去左SIAM PARAGON 下面既GOURMET ,去買零食,因為BIG C以推算應該無哂我地想買既野,但眼見好多人(唔知係唔係強國人)佢地買野係成箱成箱咁搬,其實就算跟團都好似有行李限制,你地買一箱百力支返去...樣樣都一箱....罰錢的.................同埋呢度都有好多熟食可以買黎食又有得坐下飲下野,感覺上比起BIG C更有優閒,價錢都一樣,下次又可以省下不少腳力。但因為買不到紫菜又要行去BIG C...BIG C都係無。買完去左做SPA .....今次多謝THAI友營用心SHARE,我地BOOK到RARINJUNDA WELLESS SPA 半價。環境一流,我地BOOK左VITALITY OF LIFE,每人25XX THB(612 HKD)做三小時,有FOOT MASSAGE ,同埋BODY SCRUB/BODY MASK,OIL MASSGE 同埋FACIAL.....全身都好RELAX...完左仲有MANGO STICK RICE 食..

因為我地去已經入黑了,所以圖片係來自SPA的FACEBOOK.

一日完結,DAY 2一早起身就出發去華欣

華欣之旅準備篇-五日四夜

今次又選擇了陽光海灘了(幾乎每一次都會嬴)....

雖然日本真係平到不能相像,不過....我還是喜歡曬太陽多一點,

加上我始終都係有點對於幅射的不安(講白一點我係唔會去東京的)....所以決定都係去曬下太陽

今次去華欣,係因為曼谷布吉蘇梅沙美島都去過了,

如果真係要去曬太陽,又想特別一點,應該去麗北島,喀比同埋華欣

但我只有五日,如果去麗北又要轉機又要轉船(應該要有10日個時先去)

又見到二個朋友仔去華欣既VILLA好靚

一拿到假就做了一件事,買機票。

不過係BOOK 酒店就有點阻礙........

AGODA有好多酒店,但係好多都FULLY BOOKED(有無咁FULL?點解?發生左咩事,明明係淡季)但因為得返二個星期,唔通到前一日先BOOK?(等D人放返D貨出黎先用LAST MIN去BOOK)

咁如果無到時點算?你覺得作為泰國陽光少女既我會比呢件事發生咩?唔得唔得唔得唔得!

而我考慮既酒店都全部有POOL ACCESS(我日日都要起身游早水先食早餐...呢個係我去旅行既習慣.......除非前一晚飲左酒否則我通常都要咁做)

要係下面作出取捨都好困難

LET"S SEA(其實V姐同埋RAINBOW都係推介住呢間,由我一個多月前未REG到假個時開始睇已經無ROOM,AGODA 同埋全部既BOOKING WEB都無位,只係得OFFICIAL SITE　有，但係佢已抽起哂所有正常既房，全部都用黎做一些包埋SPA同食埋DINNER既package,我估係做WEDDING PACKAGE之一)不過佢有運河式既pool(如圖),一打開門就可以游水同埋哂太陽........仲可以睇埋個咁美麗既日落....我地既目標係住度studio pier pool access ..因為v 姐send左張好正既相比我睇~我都好想咁樣影一張相

AKA RESORT (有二層,3500 尺,而且價錢好吸引,但佢係係山上面,會比較多昆蟲,不過個POOL真係大到......加上佢有少少似SAMUI PAVILION )

天堂島RESORT (佢既VILLA 房一打開門就係SWIMMING POOL )不過佢無哂房啦,只係ON REQUEST LIST...一晚無哂全部DISCOUNT 要THB 6XXX,其實佢唔符合目標既BUDGET,不過佢都依然ON-LIST係因為真係好靚) 

dhevan dara resort and spa hua hin: 其實佢都好大好埋好靚,不過有一點就係離世中心有30分鐘車,我地又無自駕,如果要出去夜市食野之後可能返唔到酒店.............但係你望到張圖就會明白,佢全部房都係pool access,好合乎我一起身要swim呢個想法架

其實我地既要求好簡單,要有二張大床房,有沙灘係出面,係pool access ,間房有bath tub同埋要去到夜市食飯(其實samui大部分既resort都做到呢d要求...不過華欣就因為交通問題而令到呢幾樣野變成條件).................................而最後能夠全部都合乎哂其實只有let"s sea...不過let"s sea已經全部fully booked..咁最後點解又book到呢......如果我話因為我叻加好彩...唔知大家又信唔信呢...哈哈...哈哈......全因為我太八掛亂按google 去華欣既水上樂園tickets(已經睇酒店睇到眼都盲)...突然去返呢個買票好平又即刻有貨既網.....竟然比我見到...佢地let"s sea做緊promotion,有"立即確認"既功能...(我唔係好彩到咁樣呀?)又多手諗住睇下呢個確認功能幾強大.......一禁完竟然有幫我check左有無位先比錢呢個功能..........................咁我又多手繼續按......又有人回覆我可以book........仲要平過自己book (official web個價極高)..........等左二日,張VOUCHER 真係出左仲要有問必答既形式....其實我自己係一直都唔係好相信用AGENT 去BOOK 酒店,通常最多都係BOOK TICKETS同埋買一些DAY TOUR先會用到........不過今次又好好彩BOOK到,所以我好快手就無再諗每間住二日既想法了,最後仲同佢地買左華欣VANANAVA水上樂園既飛,又平多100 HKD,最後酒店+機票都合乎哂BUDGET 要求。

而去曼谷頭一日我地會住一夜酒店先,因為淡季關係,今次我地豪選左間五星加大泳池既黎住...住左係PULLMAN BANGKOK KINGPOWER ,而且價錢同上次住MODE SATHORN 差唔多,最重要係.....我地一落去就可以坐車去華欣......因為我地坐車的位置就係呢間酒店行返出去.....由於我地又想有唔同既體驗加最快去到華欣,最後一致決定會坐mini van 直奔。資料已經搵好哂,呢間酒店都係我安排交通的重要因素之一..哈哈,又放張官方既相比大家睇下,泳池對於我來說都幾重要

其實去得旅行就應該住得舒舒服服,突然又想起幾年前,某一個同事提議去泰國住一間三星以下既酒店,迫不得已我非常之不願之下去住左,仲要三個人去迫一間房,廁所永遠都係塞水的,毛巾放係地下都無多一條(對唔住我好憎地下有水,會用酒店的毛巾鋪地),無泳池,早餐都無得食。出得去玩有時有些錢其實節省唔到幾多的。可能好似泰國呢類地方,間房只係差好少錢一晚,我會選擇住五星。唔會迫自己住一間,自己見到都唔想返去的酒店,學以前RONALD去山打根旅行個時講一句,其實去旅行,要RELAX就當然係對自己好一點,無必要搞到去刻苦耐勞咁。呢個都係去旅行RELAX既意義。食個靚早餐,游個水再出發,人都開心一點。

以上圖片部分來自酒店OFFICIAL SITE 。等我去完再影些實拍放上來。