沙巴MABUL 山打根 6日5夜 DAY 4

DAY 4要離開MABUL ISLAND轉飛山打根了

由TAWAU去山打根約30分鐘飛機,都係坐馬航
坐船離開的時候見到日出

到碼頭了,bye bye mabul island


馬航的螺旋飛機

到左山打機去左食魚面
有咖哩湯,清湯同埋意米冰,雪耳冰

周圍影下...食咁多野都唔貴~好抵食^^
食飽又去左我們的五星酒店check in了-four points by sheraton ,5* 酒店

呢個係外面

當然都要影下房間內部,張床得我一個人訓,又大又舒服:)

望出去的無敵大海景

工作台

跟住就去左食午餐了,今次去左kam fung market食小食

有燒雞亦,粉粿條,脆皮燒肉,gaya 油炸鬼....非常之yummy,再飲左一支海燕窩,甜甜地,好清涼

食完就去左買椰青布丁...好好食,成個椰青用左黎做布丁...好清甜,同kk個d有點不同,它沒有那樣重的奶味而係椰青水味好重,好好的飯後甜品

 

再開車去買貴妃肉乾,非常之香口,食得出係新鮮豬肉同埋係有選擇過的,因為肉乾不可以只用瘦肉做,它不肥又不瘦有點肉香又有點油分,真係買得太少,用黎當小食or送酒,真係非常之一流。

回去happy hour 同去sunset bar...真係非常之舒服

野飲都好抵....仲有HAPPY HOUR BUY 1 GET 1 FREE

夜晚當然不會錯過山打根海鮮,他們出名是價錢不高卻味道鮮甜,而且有很多不同的煮法和種類

我們叫了

1)芝士奶油汁煮大蝦

2)乾辣椒羔蟹

3)清蒸石斑

4)招牌尤魚仔

5)蒸蒜泥沙白

新鮮又美味,食到好飽

返去食我們今天去左買的布丁。

DAY 4就完了,準備第二天要去睇不同的生態同食肉骨茶。

非常期待第5天早上又去食魚麪....因為太好味了

沙巴MABUL 山打根 6日5夜 DAY 3

DAY 3就是浮潛以及DSD (體驗潛水)的日子了。
其實2013年已經嘗試過體驗潛水了,不過上次不太成功下底,今次好希望會成功

非常之好的天氣,不過有一點浪

同船有幾位外國DIVER ,這是一個標準的下水姿態。

D水係好清,不過我影得唔好

之後就返碼頭同泳池,準備我既DSD 環節了

其實我好緊張....因為上次我減唔到壓,個一下真係感覺自己隻耳好痛,又不斷上水下水,最後個次上返黎仲暈暈地想嘔。今次,知道左要去潛,為左令自己唔好有口耳唔通氣既問題,我已經在前一晚吃了一粒藥以保耳口NOSE 係暢順。希望唔好再因為有太多鼻水分泌而令我減唔到壓。

首先都係要上返一些基本設備同埋認知的課堂

首先係呢度上堂,做到哂所有要求先可以下水

完....就要落水做幾件事

• 1)Cleaning Regulator 
  2)Water removal of Mask
• 3)Scuba sign language
  4)Communication in the water
  簡單黎講,係有幾樣野要做
• 1)你要掉走左你呼吸緊個個REGULATOR掉走佢,之後向你左面斜一下膊頭拉返返黎(期間你要KEEP住噴D 泡泡出黎唔可以忍氣)拿回REGULATOR 同CLEAN返佢(噴氣)再KEEP返呼吸
  2)你要故意令D水入左你個MASK度,至少去到眼下一半左右啦,跟住他會教你點樣可以令到D水出返哂黎(呢個最簡單)
  3)你要學識所有閞於係水中溝通的手勢,因為無得講野(EG: OK,上水,下水,有問題,邊到有問題)
• 上堂期間,RONALD幫我影左一D相(他有牌,唔洗上)
  
• 好了完成了所有動作~YEAH只係有一個我緊張得制,將個REGULATOR 掉得遠得制,拿唔返~
  
  落水了
  
  (好大浪)
  他本黎說一下推我落去,因為我唔會掉下水,我又唔小心加唔夠型後甩腳了一下,更加驚(太唔型了)
  之後佢無再迫我,叫我行樓梯落,係勁大浪...只係影唔到,你落一下就會比大浪打一下的了
  
  
  不過我呢種女生,就是什麼都要試嗎.....當然我係下到水啦完.........(點會有做唔到既事,只有願意不願意做的事而已)哈哈哈哈......當然又到水底攝影師出動的時候...
  
  
  
  
  
  
  平時別人DSD,就係一對二,一個有牌對二至三個無牌...我今次都係一對二
  二個有牌照的人照顧我一個緊張小姐(一個幫我影相一個幫我整氧氣同上落)
  女皇式的享受...
  
  落到幾米之後又見我緊張啦,唯有影下相去平衡情緒(其實邊有做不到的事..再一次講,呢個只係同勇氣同埋膽量有關.....我過分緊張係無用的)
  
  又下到了
  
  之後見到一樣野,令我可以下到9-10M...........................大家請看下去..............亦都係令我有勇氣去潛水的原因:
  就是海龜先生!!!令到我要快點快點快點下到去影相~~~!!!!!
  
  
  雖然個MASK 遮住左我開心到想大叫的心情(同時都不可以大叫,我會飲水),好大隻呀~我未試過咁近睇海龜!!
  
  
  
  
  
  同時都有好大群魚~WOW~~
  
  
  呢條魚正在吃尤魚,仲有海膽
     好多不同的小魚
  
  
    石頭魚
  
  
  
  呢個整肉餅一定好正.......
  
  玩左45分鐘上返水第一時間....開餐
  
  
  有燒羊,肉醬意炒,炒菜,西難花,仲有咖哩雞,咩野都好好食。
  仲有甜甜PINEAPPLE...
  食完休息再食晚餐.............完左個課程仲有一張CERT送返比我作為紀念~~係PADI 架
  DAY 3 完...亦都係最後一日係MABUL了.....明天早上就要轉機去山打根,開始我的生態美食之旅~~