香港系列(HK SERIES )-錦田長征做農夫記 18.1.2015

日日都係港島區,返工雖然九龍區,之但係都係對住大商場同埋各大名牌。我又唔係太物質的女生,雖然都會SHOPPING,不過最愛都依然係大自然。所以一放假就要去下一些戶外的地方呼吸下新鮮空氣,抗衝一下大專門店名牌同埋大商場。自己就唔喜歡買好多名牌
(最多都係銀包同袋同返工衫會用到,加上返工衫有好多正式要求上的限制,所以近年都無點買好貴既名牌了,可能年紀大心態唔同左,加上做銀行耐左,明白到價值同埋投資的理論,我好現實呢方面,雖然都會打扮,不過都係支持韓國同埋日本製質地好既返工衫為多。)

為左唔同自由行迫,唯有去不同的地方拍下戶外,令自己整個人都放空放空。
今日就同左好朋友去左錦田,做農夫。
北角去錦田鄉村俱樂部呢,真的有一點點的距離
(無車呀嗎...)
北角-->紅磡過海巴士-->紅磡西鐵線-->錦上路站-->601專線小巴-->錦水鄉村俱樂部-->元朗-->968回天后-->吃福圓湯圓

簡直係長征的一日,不過都值得既,陽光好好,又可以去戶外摘下士多啤梨同埋去元朗食下野。
12點出發,2點先去到俱樂部,個度有好多小朋友係度跑黎跑去(所以各位要小心)同埋有好大片草原又可以燒野食

仲有好多小動物,兔仔羊仔魚仔狗仔鴨仔...ETC,小朋友見到一定好開心,就好似我們坐小巴時有個小朋友不斷唱"有隻兔仔繃繃跳,有隻雀仔飛飛下"(唱左好多次,令我中左毒好想同佢一起唱,佢一定以為我係金魚阿姐啦.....佢係咁打到我的頭髮....哈哈)。行到入去士多啤梨園,OH MY GOD,日本品種士多啤梨已經比人摘哂(係佢地後面),得返韓國種可以摘。

不過係要提下各位,呢個士多啤梨園你摘左即食要100元一粒,而且要比左錢先可以食架唔好就咁食(其實就咁食好污糟,唔好亂黎呀佢地用有機肥架...即係..動物的便便黎做肥料)。黎到都照去玩啦~去左努力摘都係敵不過小朋友,佢地既高度係摘士多啤梨係完全勝利(阿姐~~班小朋友體力一定比你好啦~後生左20年又矮過你),我仲要比佢地踢到成腳都係泥~我輸了哈哈~比些我們努力既相你睇啦,我同ALICE都好努力摘架,不過都唔係好大粒就真既。玩左褸都要除埋呀,最後好不容易先有一磅(仲要阿姐加左好多粒大粒上去先有,不過佢地後面加上去個D士多啤梨係超甜,要100/1磅,因為有機同埋自己種,我忍唔住係咁食啦)

又係度玩人地隻加同佢個大隻男主人講野。同大家介紹,佢叫一一,最唔鐘意影相。

玩左二個小時,發現我同ALICE原來都未食過野,已經能量用完。坐車出去元朗搵食。但係由於二個都係港島人,就要開GPS 先搵到萬芳冰室係邊到。點解要去呢?因為個豬排公仔面,奶茶同埋常餐都係OPENRICE比人大讚有水準。咁有水準既食物,就值得開GPS去搵黎食,坐好左之後點左

1)出前一丁配豬排 加熱奶茶
2)炸肥脾薯條熱鮮奶＿

40元有出前一丁食,仲可以選擇麪的軟硬,仲有飲品

好多人叫雞睥,所以我們估計係呢度既名物,仲有人叫紅豆冰。
星期日的關係要等20分鐘先有位坐。
好快就比我們吃完了,因為真係好肚餓。食完去左行一陣
本黎諗住搵晚飯食,點知因為我又迷路(SORRY,呢種事發生係我身上太正常了)。最後又可能因為病左唔夠體力,行返轉頭食DESSERT GALLERY 。
叫左二個甜品(名字已忘了)

食完就坐車出返去天后再食,正確黎講係炮台山食福元湯圓,呢個係北角既名物黎
識食一定叫薑湯既芝麻同花生湯圓(好好食,因為流心架),食完已經飽左,不過薑湯好像比以前淡了。但食完感覺很滿足!!!

香港系列(HK SERIES )-走過西環新地鐵站之吃吃吃

最近比好朋友話我作為一個港島人連堅尼地城同埋大學站都未去過,加上我個BLOG又發左毛唔更新,係時候要開始寫點東西比各位睇下。既然太耐無出過BLOG,而小妹最快去旅行的日子都要等到3月或者5月(因為工作的一些關係要不斷延遲出走的日子)。

唯有開始打我呢個香港系列(HK SERIES),希望唔好悶到大家。
最近我都有收集過究竟西環有咩食同埋玩,原來因為有好多新樓盤會係西環附近發展加上有MTR通車,多左好多小店。由於我係U MAGAZINE的FANS,成日都會睇下香港有咩玩有咩食(為食就為食啦,貪玩就貪玩啦),加上我通常都係個對抗大品牌同埋大MALL既文藝女生。

有新式小店當場大大力去支持下他們的新食力。

就成為了我第一篇香港系列(HK SERIES)- 香港大學站 (HKU)
今天第一日造訪呢個地方,當然要影下個站(即刻大陸人)今日就去呢度食野

香港大學站-港島線

個出口,要行10分鐘先上到地面(好遠)....比起我北角個條路更漫長, 一出去就有HSBC,同埋759阿信屋,仲有幾部又可以比八達通買飛既機。都係一個新景點(如果你無去個)....

今天去左好幾本雜誌同埋OPENRICE 不斷介紹既新食店

1)阿元來了

2)齒來香蛋卷

3)LEISURE TIME CREPES

4)OPPA CHICKEN

出到去都要行山路再上去第二街同埋第三街,源途有一口齊雞蛋仔

(不過因為已經食過@SKW,所以就無食了,都有好幾個人買緊,更加唔食)

上到去第三街既阿元來了

台灣小食,最後係OPENRICE好紅,又唔知道是否因為各大報導的威力,有一條幾長的人龍在排隊。一場黎到,就當然唔會咁易放棄吃呢個阿元既機會,因為佢地既"魯肉飯"同埋柯仔煎味道好好,負責安排人坐下同埋落單的大叔說要等"半小時至四十五分鐘"(為食既我心想:黎到就一定要吃到)雖然好肚餓我都決定等呢45分鐘(有上次食華嫂冰室的堅持)。就過了對面馬路買齒來香蛋卷吃,好幸運買到剛剛整好的微熱手作蛋卷(HKD 22 2015年1月價)短短的,有點和我在北角德城吃到的那一盒不同。由於好肚餓,又熱熱地好香,吃了幾條,很鬆脆而且有蛋味,我很喜歡那微熱新鮮做好的蛋卷,不過自從德城要排隊之後我已經有二年無食過北角個間,大家如果等阿元都可以去買點來吃,他們有自己工場(好像麪包店一樣有人在後面製作),也有一盒盒的給客人購買(HKD 80 ,2015年1月價) 還有米通,花生糖,牛耳等等懷舊小吃,仲有想當年北角新光名物-通記米通,我仲未開黎食,不過由於母親大人喜歡此食物,就買多一包送比(HKD 15 2015年1月價)

阿元對面的蛋卷店,有鮮製短蛋卷買。

阿元牆上的裝潢

等左好耐,終於都有一張BAR 台吃完走了,而不幸地,我們後面有一對非常之熱情的情侶,不斷在等食物的時候(個男生攬住個女仔打開對腳)係度擁吻,由於我一不小心望鏡睇到哂個過程,跟住我就扮係度影相.....等個女仔好尷尬他們就沒有繼續下去。(其實如果想...咩咩,唔係黎阿元,應該去開房)等下等下食物終於都到了

梅粉地瓜,四神湯,魯肉飯,柯仔煎。

地瓜味道好普通,不夠熱,而且梅子粉太少。

柯仔煎夠熱,醬汁是酸酸甜甜的,

入面有柯仔同埋菜,菜好好食,做到台灣QQ的口感,

不過如果你喜歡吃SHP的那款口味,這個不適合。
魯肉飯,汁好好食,有一片酸蘿蔔,味道很好

還有本來叫了珍珠奶茶無貨了轉了沒有珍珠的,過甜。

招牌上的食物有好多都未上,好朋友想吃的東西都未有。

二人共叫了四項,百幾元左右(忘了價)我只可以說,如果要等這樣的時間,吃一次還可以,回味再吃就應該不會了,因為沒有什麼很值得回味。只能說是紅了,但食物的溫度可以控制得更好。

吃完就轉了去吃LEISURE TIME CREPES 吃DESSERT ,是法式的卷,CREPES

叫了一個咸味一個甜味和一個ROSE TEA

大吃的我見到有MOVENPICK 榛子味雪糕就不猶豫叫了

<<香蕉焦糖汁伴MOVENPICK 榛子ICE-CREAM CREPE>>再配一份草莓

FLORA就叫了一個生菜蕃茄粟米CREPE 

我再要了花茶。無咩人的甜店點,不過好好食,有分HALF同埋FULL,好岩女生的選擇

友人不願影相,不斷影我。哈哈!食完之後行左一會(周圍都是樓梯,我相信沒有人同我去西環我應該會完全唔識路),晚上就去試U TRAVEL 同雜誌推介在"西環韓國街"內的OPPA CHICKEN,但其實編排的位置錯了(二個地方都把它們歸了在西環韓國街,但其實OPPA CHICKEN係香港大學站)

我們二個玩得咁開心,你估下係咩黎既@OPPA CHICKEN

我們排了30分鐘左右(因為其他已進店的人多數在6點左右已經坐在門外等了)我們去了行街所以要第二輪才能入去,食物主要係韓風而HIT起的韓式炸雞,同時也有酒類和非酒類的選擇。因為我們二個都病,我又不太想飲燒酒,最後二個都叫了藍色的"韓國檸檬SODA"。炸雞有原味,辛辣(可選辣度),甜酸雞,蔥雞,50/50 雙併(必有50是原味),還有我們玩到失儀的芝士蛋卷。蛋卷先來,由於係尖沙咀已吃過這個菜,朋友先夾起~呢度個芝士蛋卷,好好玩!

玩到失儀芝士蛋卷

我玩到蛋卷拉到條芝士好長好長!!!

用差都整唔斷!!

1)檸檬SODA X2
2)50/50炸雞(原味拼蜜糖)+送了酸蘿蔔以及菜沙律
3)芝士蛋卷

食到好飽好飽,不過雞肉不會乾乾的吃前可以先叫點沙律同埋酸菜會開胃點,咬下去都有雞同埋味道都可以,不過蜜糖味就比較起原味無咁好食,(可能個味不是我預期的)而SODA都好好飲又大杯好過飲啤酒,至於個藍色...應該係想佢靚點。芝士蛋卷加左洋蔥所以味感好好都分別食到芝士濃濃的味道同埋有蛋香,不會只得個玩,而且係我食過之中拉到最長的芝士,好好玩!!不過要食就一定要跟韓國食物店蝕統-排隊,呢度無得BOOK,只有一個OPPA 靚仔幫你安排坐位

西環試食報告暫時就寫呢三間。下次就去另一個站再打比大家睇