沙巴2013 DAY 4 27.3.2013 陽光海灘記

DAY 4 ,

大家都瘋玩左二日,好想講"不如今日遲少少起身呀?"(呢個係我每次去旅行到第三四日會講既野)
最後都係決定,9點左右起身,食早餐,再去陽光與海灘,燃燒下大家的青春
好啦~不過大家都比太陽哂左二三日,呢個時間又到我的aloe gel出現....................................
我仲一早準備左係雪櫃(因為eva其實係燒豬,我係會黑好短時間但會燒紅好耐)

要去個碼頭坐船再出去,出發之前去左瓊萬興食早餐

食完要行20分鐘出去買飛,行到過去成個西貢咁~~又哂又多人~入左去好多人向我地揮手

買好哂又租好哂,就坐快艇20分鐘去小島,他們會有人提我們上船
我地選了去雙島,就係馬穆迪島同埋馬奴干島浮潛
去到~~

嘩嘩嘩~好靚呀~好靚呀~
可唔可以即刻除左件衫跳落去呀
船家"NO~SHOULD NOT BE HERE"~~~我地講中文有人明既~哈哈!
之後就開始左我地係馬奴干島浮潛~~
EM...........................無咩魚~HAHAHAHAHAHA

等左成個鐘先有船真係等到想喊,由濕都變返乾

等到發哂毛之後又肚餓到爆,終於都到左第二個島啦~馬穆迪~食野先

但係,馬穆迪係超多水母,多水母到有一些牌叫人要小心水母

當然我呢個不怕死女生,
就去搞水母...個FD

就係呢D一條條既物體
我起初潛落去用手拿起呢堆JELLY BOX
他們非常之驚,之後左右的遊客都係度大驚小怪
"嘩,佢拿起左D水母,會炸人架,做咩事呀"

我更係知道唔會炸人我先拿起佢地啦哈哈好好笑
我仲影低左寶寶同埋欣欣發現新大陸既一幕

其實係個日去美人魚島JERRY同我講呢隻水母無毒仲可以摸我先知既
不過最可怕都唔係水母,而係海草,我比佢地整到塊面~好痛呀>_<
之後又再次係咁浮潛搵魚......比我地發現左好細小的NEMO


影到大吵大鬧又游出去,又比我遇到個救生員,他問我係唔係好鐘意NEMO,又知我們是香港人,之後帶左我地去睇更大條的NEMO
但係我開心得制又差點踩落去海膽地................好驚之際...............................RYAN就抱起左我=________=好尷尬...我點解次次都可以咁唔小心。
又影得太開心,又唔怕死既性格,我和他出海了,一起游到界線以外的地方去睇活珊瑚,他用英文介紹左一些資料比我之後我就"OK!LET"S BRING ME TO GO!"
我自己一個人就離隊去左睇了~哈哈

係水中無得表達,得做手勢~但真係大開眼界超級勁靚呀~點知因為我太開心潛落去影..................我支潛水管入水,我唔記得左自己係浮潛
不過真係好靚呀~又可能因為另一面少點人去,個度雖然無美人魚島咁清但都好清(唔知點形容)
最後影到相機無電
就返返去岸上了他還告訴我他叫ryan...(真係so sorry,我開頭一直都無問)

等我post d相片比大家睇啦,不過唔係專業的已經好努力影

NEMO

海蝸牛?

海膽

海參

哂完又累又眼訓,換好衫沖左涼
我係個涼亭到又好眼訓又訓左陣覺
出返去就去左食好野

讚好!

好在ronald幫我地搵車~~~唔係無飯食...好好味的食物

沙巴2013 DAY 3 26.3.2013

由於為食的我負責行程,當然少不了搵好野食。
所以美人魚島之後個日,我們就相約左RONALD去食榮華的魚雜魚面
沙巴的"魚雜"同我們香港的"魚雜"意思不一樣的
沙巴的魚雜是指魚蛋,魚腐,魚卷,魚的製品
不過沙巴的牛雜都同香港的牛雜相同意思

原來DAMAI 是一個華人的地方(BLOG上講)
所以有一些餐廳是吃香港STYLE的東西。
而榮華餐室是在一個餐廳內的,老闆娘堅持用新鮮的魚做魚蛋面,跟香港加大量防腐劑魚蛋不一樣。
好多人呀~~~沙巴人都很習慣早起,跟香港要睡到最後一秒不一樣
(而我就是訓到最後一刻鐘我最佳例子,因為我每天到尖沙咀返工,都是最後一秒跑入公司)
叫野食先~我和阿SO阿寶都叫了"咖哩湯魚面加料"
欣欣,RONALD ,阿晴同JESSIE都是清湯,我當然飲了一口清湯
好清甜的魚湯,好好味,跟香港的清湯又不一樣,可能就是因為沙巴人對食物都比較認真的關係
細節都做得好一點

我和JESSIE又再一次飲美碌了,RONALD說沙巴人飲的超甜
我同JESSIE都說~最好好甜~香港的沒有味呀
好好飲...比起九龍塘凍朱古力更濃更好味.....可能係我平生飲過最好飲既美碌~~
因為好味,所以食物好快就食哂了,真係好多謝RONALD 同我地去食咁好味既野!
之後他就車我地返酒店.....比我們返去繼續訓覺

我又訓唔著(精力過盛),就同左欣出去閒走,打算買生果比大家食同去食下蛋糕

好唒呀,我哂到頭頂都發熱,返到去我去到頭淋水,面又哂到紅哂~
不過去左食好好味蛋糕:朱古力藍莓芝士蛋糕+ 焦糖芝士,再加一杯士多啤梨乳酪好好味好好味~我地又走左去APPLE CAFE 同埋WAWASAN PLAZA
返到去大家都醒左了,我們又再準備出發,去加雅街食最後係無水果的~(唔知係唔係唔識路)

"五星級海南雞飯"
OMG .....點解佢會比錯左BBQ 併盤我,明明我叫的係海南雞同埋燒雞
不過算啦~之後大家又叫左果汁同埋冰飲,又再一輪的瘋影
食飽飽又再起行了,去左ZENQ 食冰....今次叫左宇治金時同埋粉圓冰同埋寶寶叫左個養生系列,幾杯果汁
EM........好似去左台灣咁......>W<

食完之後RONALD又去左加雅街接我們了
同佢講左阿SO同埋欣全身都比蚊咬,去左買野搽
之後就出發去睇長NOSE 猴同埋螢火虫
原來猴子出沒的時間係下午,太熱又唔出黎,夜晚又係樹上面訓
他們的特徵

就係個NOSE好長,同埋長期都....................................................,一柱擎天(上圖係我係機場影的一張POSTCARD ,由於我無咁好技術影到張咁既比大家睇)
RONALD話因為佢地有一種果實食左,就會長期都咁
"咁如果D果實食哂...係唔係就會.....唔一柱擎天?"
"咁人食左...係唔係又會一柱擎天?"

RONALD話"可能要迫不得已先食啦"
又係一片笑聲之中渡過
到夜晚就睇螢火虫,之後原來螢火虫係因為"發姣"所以就係咁閃
我就講返我去大埔睇螢火虫既經歷啦,之後RONALD話沙巴既螢火虫得蚊咁細,同香港唔一樣,同埋要係無污染的地方生長
唔怪之後香港已經愈來愈無啦..........連浪漫的場地都要消失了


嘻嘻哈哈之後終於都到左目的地啦~第一時間要做既
噴蚊怕水,但由於我天生係冷血既(因為我體溫低平常人少少)加上古怪血型,其實我可以唔洗噴都無蚊咬=~+
走左一條好似冒險咁既長路~就去左食下午茶
食完就出發睇猴子~
嘩嘩~我地好LUCKY 呀~睇到好多隻,RONALD說唔係成日都咁近見到
佢地係度飛黎飛去食野,聽講食完野就要.............同女性猴子XXOO

唔通因為成棵樹都係同一隻"生果"...哈哈
強國人又再發揮佢地既精神....好危險呀,條河有鱷魚架你唔好搞到搖黎搖去,我咁肥美跌落去實死無生..

睇完之後就返返去餐廳食晚餐了.....................再出去睇螢火虫同鱷魚

RONALD問我比鱷魚食之前有咩要同阿爸講同阿媽講

答案係無既...因為鱷魚係唔會食我架~~只要強國人唔好坐係我隔離
去到睇螢火虫....好靚呀好似聖誕樹~之後RONALD仲用他的方法引螢火虫過黎..............WOW....真係有一隻飛左過黎...
強國人又再次發功,救命呀佢地叫RONALD 捉多D比佢地做紀念品...................而家個又唔係比你拿返屋企....真係好煩...比一隻你睇就要人地送比你地
完全唔識保育架>___<

最後都係無鱷魚,我呢個肥美既人類又再一次死唔去
但係螢火虫呢,係影唔到比大家睇架,同香港的唔一樣,因為好細既光
所以..............我可以扮野點一些白色/綠色係黑色既相上比你地睇既........不過係假的~HAHAHAHAHAXDXDXD

之後就坐車出去食宵夜,去食印度野,有幾個唔同的味道
甜味,架央味,咸味,原味


仲有拉茶...全部都好好味~~我最鐘意就係TISSUE PIZZA,好特別,有點似薯片。
食完又再次好眼訓又係時候返屋企啦

今日都係RONALD同我地去TOUR既最後一日啦
非常之多謝他的安排呀,又同我地去食好好味既野
由於DAY 4我地決定自己去玩!
之後RONALD都唔得閒了,就只好相約他明晚飲酒啦~哈哈