EVA"S KITCHEN之EVA 特製3.6 牛乳布丁

又再一次好耐都無打旅行以外的BLOG了,今次不如就教最近我研製成功既甜品
整完大家都覺得超像大家係SOGO/日式超市買到一間叫做"MILK TXX "既牛奶原味布丁

(我都開始覺得,煮野食同埋畫畫自己係有天份既)

EVA 特製3.6牛乳布丁

材料(6個布丁份量)

3.6牛奶350 ML(即係1+3/4 盒細裝)
糖         35-40g  (如果想食甜,40g岩岩好)
魚膠粉 7g
冷水         15ML  (用作開魚膠粉之用)
淡忌廉 150ML
雲尼拿香油少許
牛奶樽 6個


1) 用水先開魚膠粉,要用不鑄鋼器具開,再座熱水,攪動至膠明狀,備用。
2) 把牛奶加入煲中用小火微熱(但千萬不要煲滾,會老),加入糖,分三次加每次必需攪拌至沒有糖粒,直到全部糖融化,關火
3) 加入淡忌廉攪均再加入魚膠粉水再攪拌至均勻。
4)將雲尼拿香油加入攪勻,再把它們入樽。放進雪櫃二小時即可以食用。

PS:
A)魚膠粉必需要在凍水開,熱水座著,以免起粒。
B)此食譜做出來的布丁是屬於軟而滑(真的像MILK TXX口感)如果想吃硬點,請自行調教魚膠粉份量。
C) 雲尼拿香油和淡忌廉在一般的蛋糕材料店有出售。
D)呢個食譜係我打出來的,所以有點口語化,SORRY。(100毛FANS:係咁架啦,你估我係古代文人咩)

至於好唔好食呢...我只可以說最近4次做出來的成品,全部都比人食哂。仲問我點整...
我先至打呢個食譜分享比大家 。我記得我以前有好多朋友仔都喜歡吃MILK XXX的原味布丁的,大家真的可以一試,簡單又好食,希望大家喜歡EVA"S KITCHEN 的BLOG


成品圖

老表你好HEA 曼谷DAY 2

終於都有時間可以打DAY 2 ...............最近12月有太多GATHERING,幾乎唔記得左要打埋呢個四日三夜的紀錄(懶就懶啦...)

DAY 2 ,我本來同他們約好了去酒店個INFINITY POOL...但由於行街行到好眼訓,體力消耗過度...一訓就訓到去9點半定10點半,他們就去左游一陣,我就去左食早餐的地方等佢地。
呢間酒店食早餐的地方係10/F,其實味道不錯。(不過通常都唔會日日食~哈哈)

 而最下面呢個CREPE 有隻係中間,有芝士,火腿蕃茄洋蔥等等,
雖然唔算得上係正宗法國做法(注意:呢個佢地失手會整唔到),不過真的好好食同幾特別。(就算個日唔食早餐都走左去食呢個CREPE.

食完早餐換好衫就出發去ART PARADISE 3D館.呢個3D館好多地方都有的。

而且可以玩下視覺效果,所以就比錢出發去玩啦!

坐MRT(機場線,非BTS 公司經營),以下是車票(勁有中國內地TOKEN FEEL)

我們要去THAILAND CULTURE CENTRE STATION  (TO BANG SUE LINE)

沿途有堆型男係度賣廣告(應該係TELE-COM 廣告),不過太快影唔到 

 到了,係個站影下先(用IPHONE 6+_

 

至於入面係點,其實分左好多個唔同主題的AREA,去呃下人視覺影相

就等我地幾個示範下一張影得好好既比大家睇
(哈哈!好正)

呢個係扮比人吊住既公仔

 

呢張有個小妹妹走左進來~好好笑

都幾好玩,不過最好幾個朋友一起來

行完就去左T21 食FOOD COURT ,只是一般,唔係論壇既人講咁好食咁值得食

真的覺得如果食反而唔係FOOD COURT而係T21其他可以食既地方,同埋周圍的街頭小食反面味道更好,至於他們說的雞飯,都係一般啦,唔滑,飯亦都唔係好有味。無咩值得推介(連飲品都好普通)。跟住就去左還四面神了,因為上年都有來過許願,所以今年年尾返來還神。周圍都好多人(我估計我們去的時候有大量旅行團到達。大概拜左一小時左右.....
(最後去唔到FASHION MALL,好可惜)也沒有去ON NUT BBQ (第二可惜)...唯有下年先去啦!

老表你好HEA 曼谷DAY 1

其實我無睇"老表你好HEA",不過我覺得今次我地呢個組合好岩用呢個名。

因為我們坐11月22日的7:50AM機,所以我無車入機場的,坐左的士,BEBE比左B哥既電話我先CALL到車。不過我預時間預得太早,我本黎約他們6:00係T2等,我5:30就到左.....唯有自己周圍行下,點知又見到有一個大叔訓左係地下(唔通香港機場真係成日都有人咁訓,上年都係咁),等到佢地黎啦~
寄左行李之後都要影張相既~影完就去左食翠華,本黎諗住買埋支CHABOT FIRST FROST上機,點知DUTY FREE無貨~無得飲....

上機了~~

上機...恐怖的早餐,完全無食..飲左杯蘋果汁就訓覺了。

到達左曼谷機場,立即換返夏天背心!而我已經一早為大家BOOK好左7人的士送行李同埋人去酒店(THB 800 ,係網上面BOOK的)

而上網既卡,都係大家熟悉的HAPPY SIM 7天任用PLAN,又再一次感到幸運,因為4月的時候我買了二張NANO SIM,諗住一試睇下拿唔拿到(因為個度寫超過3個月失效),點知佢地仲收埋左我買個二張SIM卡,又慳返,而YUNG YUNG就有一張上次布吉未用既卡又慳返~最後只需要買一張就搞點了。

因為我們今次選擇用ATM 卡提款,當大家都提到款而我提唔到之後(我唔係咁黑仔呀),我發現他們三個都係用BOC 中銀ATM卡而我係用大新的。

係我試左10次(我好相信係得我呢個銀行人會認為試多幾次會得),第11次竟然係可以提到款。

總結一句,我決定下次去旅行都係用BOC 既ATM卡......(我個一下來殺左自己間銀行)

另外,我都要向大家講下呢個ATM 提款功能,其實我已經講左比好多人聽

1)首先你一定要有一張ATM卡(唔係信用卡,一定要用有"銀聯LOGO"的ATM 卡)

2)在香港已開了"海外提款功能(即係已SET左使用開始日子同完結日子,同SET左銀碼)

3)跟住去到海外有銀聯LOGO 的提款機可以提款

PS: 這個方法並不一定符合所有國家適用,不過暫時試過全台灣,馬來西亞,星加坡,泰國(布吉,蘇梅,曼谷),日本,韓國都用到。至於海外提款的收費: 每次收15HKD CHARGE,但個RATE就用TT RATE,會唔會平好多就唔知,不過救急用/唔想拿太多CASH係身就好好用啦。

第二點,亦都有好多人問過我關於銀行信用卡既收費,好在作為一個資料收集員,都可以答到你們的問題,其實海外簽卡係有CHARGE既(當然有時有PROMOTION唔收),大概係1%-1.95%左右

大家可以睇下U TRAVEL 的網址:

http://travel.ulifestyle.com.hk/DetailNews.php?id=ADIRaREgA3M

(利申: 拿拿拿,打呢個BLOG 純粹只是為大家方便同埋多一個方法提款,絕對無教你地邊個方法平一點貴一點,自己作自行比較啦,去旅行都係為左開心,我無講邊個特別平特別貴,朋友要知既就自己問我啦)

(佢地仲可以咁開心影相~XD)

司機好快就係機場度接我們,仲見到佢....用人手推前面架..的士.....(我們笑了好奈)

係酒店放低D野就去左JJ MARKET行,又熱又肚餓又累地行左5個幾小時

下次決定坐MRT去JJ MARKET.....因為會一落車有野食~今次就去左一間食炒野同埋河粉,個椰青...好難飲
曼谷八達通-RABBIT CARD

 蒜容包,肉碎飯,炒河,湯河,椰青

 

佢地既吉吉降頭仔而家有蜘蛛俠版
 
 有西班牙的炒大獲飯同埋酒吧

好累....返到酒店CHECK IN拿房,29/F

間房,好暗,同星加坡HARD ROCK一樣!!!不過HARD ROCK都起碼有個廁所係光一點,呢度連廁所都好暗,係的確好適合情侶,唔適合我們。不過張TWINS BED係要一讚的,因為係SUPER QUEEN SIZE(等同雙人床)仲好舒服,仲有可以望景既BATH TUB 浸浴係一流(應該其實可以二個人一起浸...所以我話好適合情侶...)

休息完再出去SIAM食野,不過想食個間已經關左了,去左食其他

行過見到幾個MALL都有聖誕既裝飾,不過人人都著夏天衫~哈哈

 泰國一定要飲下既CHANG

 幫CONNIE買既藥,同埋幫欣欣買既薯片....又買到BIG C 收工先走....

回房.......好累.....要休息了~DAY 1完