沙巴2013 DAY 2 25.3.2013 美人魚島1

DAY 2

 25.3.2013 美人魚島潛水體驗 (MANTANANI ISLAND DISCOVER SCUBA DIVING )

今日要一早就起身(7:15 AM )約左RONALD 係樓下等........好早呀....由於有成二三個小時的路程

RONALD 已經好好地安排左小車子去而唔用旅遊巴士(因為如果用旅遊巴可能要更早呀,要接哂全部人先至可以去坐船)

好眼訓,成車都係度訓覺(由隻眼有D痛到到訓醒已經唔再痛)..........終於都到左坐船的地方..................去到碼頭先至再補加一次防哂...

因為美人魚島真係會好好天氣好好太陽,今日仲要好好天氣,無咩大風,希望船程唔好驚濤駭浪嚇親朋友們...

(因為我睇BLOG講如果大風個日......D浪會超級大,大到可以翻船),不過好在RONALD 講,今天天氣都算幾好。


係船上面我地係咁傾計,又係一片熱鬧既氣氛,傾傾下佢地突然之間大叫(我以為有人打仗)

原來........原來係海豚呀

他們在水中跳舞,仲跳到去我地船頭到,係二條來自大自然的海豚,灰色的海豚

作為香港人的我們當場會大驚小怪,因為在香港,根本不會在大自然見到海豚
唯一可以見到的地方.......是海洋公園他們都說要很幸運的人才可以見到海豚的,好開心呀!

一個小時的船程又在熱鬧同埋尖叫聲之中到達左了

2013沙巴 (SABAH) DAY 1 24.3.2013

Day 1
為左避免我又再次追飛機,我唯有一早出門口,坐A11去機場。今次又再次去T2了,上次去泰國都T2。
7:30AM就到達機場,都已經有人排隊........排排下,見到係通道有個人訓左係中間,強國人,訓左係度,唔知道係暈低左定係眼訓
其實他是在AIR ASIA前面訓/暈低的,過左幾分鐘之後,佢又起返身行(真係好恐怖)


終於都CHECK-IN完,經過我精簡左既行李之後,都仍然有13KG (我已經盡力將可以唔拿去既野都唔拿去,有咁少衫放咁少衫)
但係大家都知道AIR ASIA係唔可以超過的,所以真係要精簡行李。
今次係咁多次去旅行以黎最悠閒的一次,我指係機場很悠閒的食早餐行街
(因為回想起2012年,我二次都係趕的)
食完早餐,很準時的在44 GATE登機
終於都第一次見到去旅行既朋友~哈哈
準時起飛,10:05AM
到達的時間是1:30PM,去到機場,要自己行入去,好熱,未見過飛機的香港人,又係咁影了^^(講笑姐)

入到去拿完行李,酒店的人已經去左接我地到目的地-MARINA COURT
原來同機場很近的(一陣再講夜晚我們的經歷)
去到,好哂呀好熱呀,放低哂所有行李準備好簡單的行裝(我後來發現自己係錯既)之後就去換錢買電話卡食野

新朋友仔~JOYCE AND JESSIE
去左CENTRE POINT(原來只係5分鐘的路)換錢
當日的RATE係1RM=2.52 HKD,我地一人夾左一千元正就去換錢,換完去左買DIGI電話卡
原來沙巴都係歧視IPHONE 5的,無一張電話卡可以用(又再一次)
好在,他們都有人用NOTE 2。

換完錢,就行去加雅街食午飯~好熱呀~~~~~原來好遠~再一次比地圖欺騙左(GOGLE MAP-->15分鐘路程...但我們行了不止25分鐘)
到左...........................由於我呢個行程負責人,最叻就係迷路同埋唔睇時間...
原來好多食店都會係星期日同埋星期一早收,海南雞飯就關左了~(好對大家唔住)

我們的第一餐最後選擇左怡豐喇沙,大家一起食喇沙米粉同埋飲雙層拉茶
呢杯拉茶亦都係我地覺得成程之中比較有味同埋好味...哈哈
食飽飽就起程去睇日落,本黎打算去旅遊中心問下,又再一次...因為我無睇時間無做好資料收集
原來星期日他們是收3PM的,岩岩食完佢地就關左門......再一次食多個閉門羹
無計了...唯有打比RONALD...一個同我傾左好奈EMAIL的LOCAL TOUR

問下佢我地點去TANJUNG ARU BEACH,睇日落
哈哈,最後我地都要坐的士去,好在係63 HOTEL原來都有七人車可以安排(即使我們不是住客)
最後係一片歡樂聲之中到去目的地~(好野~終於到左第二個目的地啦)
我地周圍行下,發現太陽真係好猛烈,猛烈到我連眼都打唔開
(因為我副超仲係個行李入面),好熱呀~去踢下水先~
衝左去踢左一陣水,最後都因為太熱,我地入左個大排檔入面飲果汁
間野叫做"檳城果汁冰店"(令我即時想起左檳城姐)

我叫左"芒果汁L SIZE",欣欣,寶寶都叫左ABC FRUIT
個店員可能想提醒我L係真係好巨大杯...佢問左我四次係唔係真係要飲大
我都答左四次,到左之後,我開始明白,原來我真係叫錯左,
我第一次見到杯芒果汁....仲大杯過我係中環飲個杯超級大啤酒....
真係大到我嚇親....只係幾元.....就咁大杯,仲咁好飲~哈哈
之後佢地個ABC FRUIT,我懷疑係叫一杯全世界一起食的....又係好大.....
但個大排檔...好熱呀~焗到有少少暈暈地,我地又再走返出去吹海風同等浪漫的日落了

跑左去個公園到坐下,坐左好奈,原來沙巴係日日都6PM先日落架
最後終於都日落啦大家都跑左去沙灘影呀~影呀~

沙巴日落完之後有一段好長時間的MAGIN MOMENT......等我地5個女仔一起影下彈彈相

空中一字馬

玩完跳完之後就坐返車出去
大塞車呀,本黎打算去食大茄來,又再一次迷路
不過算啦玩完又累又坐完飛機,第二日仲要去美人魚島,RONALD已經打左黎話7:15分係我地酒店下面等

勁早就訓左覺
11:00 .............


夜晚,我起初以為自己心臟病發...因為真係好大聲的聲音
本黎我以為發夢,原來第二日佢地同我講返大家都聽到(我以為自己病發的聲...)原來係飛機太低飛既聲...真係嚇死我,好驚/.\
<<第一日完結>>

沙巴2013 (出發前準備篇)

第一季完結了,為慶祝自己終於都超過了100%

放個小假期,去沙巴五日四夜

飛機是坐AIR ASIA (在2013年1月時BIG SALES 時買下的)

起程早上10:05機
回程下午4:35機


6人同行,
由於這季都很忙碌,而且又習慣了一早把所有行程都訂好
所以就在1月就打好了行程比大家過目,我都知道是超早太快的了
只是我多數一BOOK好了機票就會編行程,因為多點時間改動同安排
總好過最後一刻要打IDD去沙巴BOOK 的。


行程如下

第一天

酒店CHECK IN 唱錢交LOCAL TOUR $-->BEACH & SUNSET BAR看日落-->WATERFRONT行街,菲律賓夜市-->大茄來海鮮

第二天

LOCAL TOUR 美人魚島一天潛水體驗-->BBQ午餐-->島上浮潛或游水/休息---> 雙天/珍珠海鮮--->宵夜
第三天

市區買手信+吃特色食物(ＣＥＮＴＲＡＬ　ＰＯＩＮＴ）-->長NOSE 猴紅樹林螢火蟲+馬來私房菜-->印度宵夜+馬來西亞小食

第四天

出島遊(雙島浮潛)--->椰子布丁,炒粿條--->海鮮晚飯-->DAMAI PLAZA宵夜



第五天


KK市區遊(又再次係食)