25.3.2013 美人魚島潛水體驗 (MANTANANI ISLAND DISCOVER SCUBA DIVING )
今日要一早就起身(7:15 AM )約左RONALD 係樓下等........好早呀....由於有成二三個小時的路程
RONALD 已經好好地安排左小車子去而唔用旅遊巴士(因為如果用旅遊巴可能要更早呀,要接哂全部人先至可以去坐船)
好眼訓,成車都係度訓覺(由隻眼有D痛到到訓醒已經唔再痛)..........終於都到左坐船的地方..................去到碼頭先至再補加一次防哂...
因為美人魚島真係會好好天氣好好太陽,今日仲要好好天氣,無咩大風,希望船程唔好驚濤駭浪嚇親朋友們...
(因為我睇BLOG講如果大風個日......D浪會超級大,大到可以翻船),不過好在RONALD 講,今天天氣都算幾好。
係船上面我地係咁傾計,又係一片熱鬧既氣氛,傾傾下佢地突然之間大叫(我以為有人打仗)
原來........原來係海豚呀
他們在水中跳舞,仲跳到去我地船頭到,係二條來自大自然的海豚,灰色的海豚
作為香港人的我們當場會大驚小怪,因為在香港,根本不會在大自然見到海豚
唯一可以見到的地方.......是海洋公園
他們都說要很幸運的人才可以見到海豚的,好開心呀!
一個小時的船程又在熱鬧同埋尖叫聲之中到達左了
沒有留言:
張貼留言