三月完成了一個2015年的小小目標:自己一個人去旅行。
只是突然想買張機票,突然想去看櫻花,突然想飲苦瓜汁。
沒有了任何行程,只是隨心找架巴士就去到了看櫻花的地方
只是剛好到了淡水站就撞到朋友,
只是剛好好天氣,剛好開了花。
不知道在哪個網看見有間CAFE在二樓,跟住上左去飲咖啡飲到時間不知不覺過去
只是因為BOOK不到想住的酒店而是但BOOK了一間HOSTEL,認識了新朋友,有很好的老闆給我很多路向的指示。
我無試過這樣遲的買一張機票(出發前幾日買)
無試過住HOSTEL(我平時住的酒店不少過四星,對上一次少過四星已經係好委屈地同安姐迫埋三個人住曼谷的三星酒店住到想死掉)
我更加無試過
自己一個人去旅行。
想行就行,肯定會迷路,沒有旅遊書(無時間買),隨便拿幾套衫就出發,連相機拿邊支鏡都無決定過。
你有同過我去旅行你就會知道我有幾WELL -PREPARED 一個行程
我是一個會打行程表的女生,所以每一次你問我去過邊到,我都可以好詳細答到你的人
不但會搵去邊到,仲會搵低咩野最好食,咩最好玩,人地會點玩,玩幾耐坐咩車,車要幾多錢,幾點有車,係咩地方下車,詳細地址,等等........非常的DETAIL的在表中
仲會將全部INFO一次過SEND哂出來。(簡單黎講簡直係痴線)
我想了很多東西
例如迷路時我會諗
如果XXXXX 係度...就好了..............我一定唔會這樣白痴坐錯捷運的車,因為他一定會拉住我。
如果XXX係度就好了....咁我可以叫好多野食....她一定會幫我食哂...她可是很會吃的吃貨。
如果XXXXX係度...就好了.....咁樣他都一樣喜歡飲咖啡可以同我HEA到天荒地老。
又或者晚上的時候係酒店...................如果XXXX 係度就好了...咁我就唔洗怕悶或者遲起身。
但一個人的時光
一個人去旅行的感受,終於都明白,其實一個人並不可怕(我以前非常非常的害怕)。所以也引致以下的事情發生
1)總要有十萬九千個朋友陪我吃飯,玩飲野,沒有一刻停下來
2)以前當男朋友一沒有時間陪我,就感覺像受了委屈似的,以為他不要我了不喜歡我了。
以後我可以同人講
我可以自己一個人去旅行,也不再害怕自己一個人。也可以選擇有人陪我或無人陪我。
能夠長大
能夠享受一個人自己的時光
一生人可能唔係有好多時間(至少我相信我這樣的時候不多)
嗯....2015年仲有以下的目標努力完成
A) 回到一間夠大的公司從新見識過不同的工作事
B) 去學POLE DANCE
C) 做個賢內助,會煮飯而且是經濟獨立的,也會好好TAKE CARE 對方,對方也會好好的TAKE CARE我。
D)努力做GYM保持身體健康
完~
(你睇下,正常人都做到既目標,我對自己真係要求唔夠高架)
沒有留言:
張貼留言