華欣HEA 爆之旅-DAY 3-LET"S SEA HEA 爆日

去到RESORT,我地幾個都有一個習慣-就係其中一日全日都係酒店度嘆世界

而家暫時係得曼谷無試過咁,布吉華欣同蘇梅都有試到了。

今天我完全沒有安排任何的活動

只係得係酒店度不斷曬太陽,游水係露台睇下書玩下電話同埋係SWIMMING POOL BAR飲野
連食飯同早餐都安排左係酒店度食,非常之HEA,我仲懶到游完水係房度食左一陣薯片同訓覺。
比起我表哥更懶(因為起碼他都有自己出去行左一陣,我連行都唔想)

一早就起左身(因為昨天行完夜市食完宵夜就好早訓,好早就去試個半自助餐)

其實都幾多野可以點,不過我地只得二個人,又唔想浪費食物,所以每日都點左唔同款,我最鐘意就係BENEDICT EGG ,可以配菠菜/蘑菇/三文魚,我分別二日都點左唔同款,好好食,另外仲有LET"S SEA STYLE CONGEE 因為好夠味同埋有少少像潮州粥STYLE(唔通個廚師都係潮州人?)又叫左WAFFLE 同埋FRANCE TOAST 試,二個都唔錯

仲有每一天都有一杯果汁叫做"LET"S SEA MIX",我們二個都好喜歡日日點一杯黎飲,的確又幾特別。仲有表哥叫錯了的"THAI STYLE OMELET" ,有少少似潮州蠔餅(都係同上面同一個懷疑),只係食左少少。

朝朝都有免費MOET飲,我幾鐘意呢隻CHAMPAGNE 既味道,唔太酒味又唔會有咸味。

不過我都係飲左幾啖而已(太多野飲,又果汁又COFFEE又SHAKE ..HAHHA)

好有FEEL。又好RELAX,仲有好好既景,成個人都好放鬆既感覺。

我地選擇左坐室內,而室外係可以望住個海食早餐同埋好曬,我怕太熱食唔到,所以無坐到。

而另一邊就係有梳化可以坐的(晚餐就會坐係呢個AREA),我再走出來的時候就見到有二個內地大媽係度坐,又無點野食,個場面都幾無奈。

食完早餐,有二包糖係台面,係熊仔糖,日日清潔完之後都有,好搞笑。不過佢地都幾細心的,見到我地有自己既毛巾,都會幫我地整理返好,張台亂到爆炸都會幫我地收拾好,當然其他酒店都有相似ROOM SERVICES,不過如果講細心度同埋整理得快手,LET"S SEA都算係咁的了(意想不到的快手而且仲要係細心去收拾。

食完就更係要去游水的啦.......用左自拍神器影下相。

 游完又曬完之後已經三點幾,就去左SWIMMING POOL既BAR到飲野,有少少貴,不過真的好好飲,BUY 1 GET 1 FREE,不過要二杯一樣先可以ENJOY 到

我地呢杯野飲用FRESH GREEN APPLE + YOGURT同酒去調制出來,感覺好FRESH 同埋酸酸地,非常之岩夏天飲,又唔會太有酒味,好快就比我地飲哂(我飲完之後仲去游水,游完沖涼要沖凍水,因為其實杯野應該加左好甜既酒去整的,所以個感覺無咩酒但其實都醉醉地)

酒店周圍都無人,只得歐洲人家庭(講唔係英文既語言)係度HEA (佢地打足一日波係個泳池度)

水上食雞翼,好好食,雖然係普通叫一客炸雞翼但加埋個醬,好開胃之作。

望下個背景,真係一個人都無,好像我地自己個POOL咁爽,個POOL仲有成200M咁,來來回回都幾累的,岩哂~因為我最鐘意又正方又大既泳池,所以先黎呢度HEA的。

呢隻水泡本黎有幾日就咁放係個POOL,我地有一刻想過不如借來玩,不過......最後搵唔到主人唔敢問,但應該係可以坐上去再行的~好正。我見市集都有,不過就唔知道價格了~XD

沖完涼我地自由時間大家自己周圍行下。

個沙灘......真係堅唔靚的。

跟住我就開始好懶,我表哥就出左去去行下,我就理左係房度食薯片,自拍,同埋收下衫(完全無出去既衝動)仲好眼訓訓左一陣。(衫都無點換過....食飯都係用一套衫)

日落LET"S SEA

晚上都係係返自己酒店既餐廳食(我地都無試過HEA到咁既程度,上次係布吉度BBQ,起碼都有去過TOWN度買下食物同埋酒,今次真係懶到出哂汁)叫左STRAWBERRY BANANA SHAKE (必叫).......食物都幾好吃,不過都少下...好在我地都唔係為食又大食........否則如果係大胃口人應該不會飽。

DAY 3就咁又完左